KUCHING, Okt 12 : Mayuh nembiak primari satu di Sarawak udah tembu belajar ba pra sekula.
Pia ku Menteri Pengintu Pengelantang Pendiau Komuniti, Orang Indu, Ruang Bilik Enggau Pemansang Anak Mit (KWKPK), Datuk Sri Fatimah Abdullah.
Fatimah madahka ba baruh opis menteri iya tu sigi pengawa perintah nengeri ti deka nyaga pengelantang sereta nentuka semua nembiak mit bulih akses enggau ekuiti belajar ba baruh Kaunsil Pelajar Tumu Anak Mit Enggau Ngibun (ECCE).
“Kerejasama enggau mayuh ejensi ba renggat perintah besai sereta nengeri, 98.35 peratus nembiak kitai ba primari satu taun tu udah tembu belajar ba pra sekula sebedau tama ngagai primari satu,”
“Ba baruh Sedidik, kitai deka betatika fokus iya nya nentuka nembiak mit kelebih agi ba menua pesisir enda tinggal belajar ba pra sekula sebedau berengkah besekula ba sekula primari,”
“Pengawa tu deka nentuka inisiatif ba baruh perintah besai nengah Opis Pemansang Mensia Mayuh (KEMAS), Pra Sekula Opis Menteri Pelajar (KPM), enggau Tabika Perpaduan bejalai enggau lanchar,” ku iya nambah agi.
Pengawa tu deka nentuka inisiatif ba baruh perintah besai nengah Opis Pemansang Mensia Mayuh (KEMAS), Pra Sekula Opis Menteri Pelajar (KPM), enggau Tabika Perpaduan bejalai enggau lanchar.
Iya madahka perkara tu dikena nimbal jaku Presiden Parti Sarawak Bersatu (PBB) senentang perintah enda betatika pengawa tu.
Ku iya nambah agi, perintah nengeri sigi meri sukung ngagai semua ECCE ti nyengkaum sektor pelajar peribit.
