KUCHING: Simpang jalai Batu 7, Kota Sentosa deka dibuka baru ngagai mensia mayuh berengkah pegila ( 12 Oktober) enggau simpang ba Batu 10 dijangka dibuka ba ujung bulan tu.
Dalam siti penerang, Unit Lebuh Raya Pan Borneo Jabatan Kerja Raya (JKR) madahka, pemuka jalai nya ila ulih mutarka penyekut jalai trafik ba endur nya.
Taja pia, simpang ba Batu 6 deka ditutup berengkah 15 Oktober tu dikena meri awak ngaga ‘flyover’ enggau endur ngelingi nya.
“Dikena ngurangka penanggul trafik, dua lurung jalai sementara deka dibuka ungkup pejalai Kuching ke Serian enggau Serian ke Kuching,”ku penerang nya.
Naka ke diatu, pengawa ngaga ‘flyover’ Batu 6, Batu 7 enggau Batu 10 diatu udah tembu ari timpuh asal, raban JKR Sarawak melabaka jalai Kuching Serian (KSR) ke ba baruh Pakej Kunterik Kereja 02 WPC02) disadang tembu bulan Mac 2022 dibanding timpuh ke udah ditetapka ba bulan April 2022
