KUALA LUMPUR:Rega tiket bilun domestik mar ke Sabah enggau Sarawak deka pulai baka selama enti penyampau penerebai bilun baka ke sebedau tu.
Sapit Kepala Menteri Perengka Pengangkut, Datuk Henry Sum Agong madah, opis penerebai bilun malaysia (MAVCOM) deka neruska pengawa matau rega tiket bilun ba semua penerebai domestik.
Ku iya madah, rega tiket bilun mar ketegal kapasiti penerebai bilun ditatak perintah Sarawak ti sebagi ari chara dikena nagang pengekai igi penyakit Covid-19.
“Maya diatu, penyuah penerebai bilun ke Sarawak bekurang 94 peratus dibanding maya timpuh sebedau Covid-19 lalu penerebai entara Semenanjung enggau Sabah iya nya 89 peratus dibanding sebedau Covid-19,” ku iya maya nimbal tanya Lukisman Awang Sauni (GPS-Sibuti) ti minta perintah madahka inisiatif ngurangka rega tiket bilun ke Sarawak enggau Sabah mar maya pengekai igi penyakit COVID-19.
Ku iya madah, penerebai bilun Kuala Lumpur ke Miri enggau Kuala Lumpur ke Sibu agi ba tikas rega mar iya nya entara RM530 ngagai RM1,600 sekali penerebai.
