KUCHING, 11 Okt : Sarawak kena hari Satu ngerikodka 1,037 kes baru positif COVID-19 enggau 12 kes pemati.
Pia mega, nadai kluster baru diripotka sereta bisi lima kluster udah punas naka hari Satu.
Ku Komiti Mutarka Penusah Ngenyit Negeri (JPBNS) Sarawak madah, kes positif COVID-19 baru ti diripotka kena hari Satu ngujungka semua kes nambah ngagai 225,676 di serata nengeri.
Ari penyampau kes nya, 98.17 peratus ba baruh kategori 1 enggau 2 lalu 1.83 peratus ba baruh kategori tiga, empat enggau lima.
Kuching mengkang ngerikodka kes pemadu tinggi iya nya 191 kes, ditangkan ke miri 175 kes enggau sibu 112 kes.
Pia mega, Sarawak ngerikodka 12 kes pemati ti ngaul sida ke bisi penyakit raya.
Kelimpah ari nya, bisi lima kluster udah punas iya nya Kluster Kampung Kakeng, Serian, Kluster Sungai Kerubong, Sarikei, Kluster Sungai Sujan Mapok, Sebauh, Kluster Sungai Dabai, Pakan enggau Kluster Laman Bong Chin, Kuching.
Kluster ke mengkang aktif di sarawak iya nya 67 kluster.
