KUALA LUMPUR, 5 Oktober: Malaysia begunaka dua peratus agi taka orang besai tuai ke udah dituchuk vaksin dikena nyapai taga 90 peratus.
Bepelasarka Standard Atur Pengawa (SOP) ba baruh Pelin Mulaika Pemanah Menua (PPN), enti sema 90 peratus taka betuchuk vaksin orang besai tuai di menua tu udah dijapai, meraka pelilih deka dikemendarka.
Naka Hari Satu, 20.6 juta iku tauka 88 peratus ari populasyen orang besai tuai di menua tu udah nerima dua dos tuchuk vaksin COVID-19.
Nitihka penerang ba laman web COVIDNOW, Opis Menteri Pengerai Malaysia (KKM) madahka, 94.4 peratus tauka 22.09 juta ari populasyen orang besai tuai udah nerima siti dos vaksin.
Nitihka populasyen di menua tu, bisi 20.71 juta iku tauka 63.4 peratus rayat udah nerima dua dos vaksin COVID-19.
Nangkanka nya, 23.96 juta ari semua populasyen tauka 73.3 peratus udah nerima ambis nadai siti dos vaksin.
Bisi 114,124 tauka 3.6 peratus ari populasyen nembiak udah tembu nerima dua dos tuchuk vaksin.
Pia mega, naka kemari bisi penambah dos vaksin udah diberi ngagai kededua populasyen nya.
Tu nyadika penyampau semua dos vaksin ke udah diberi nengah Program Betuchuk Vaksin COVID-19 Menua (PICK) lebih 44.57 juta dos.
Kelimpah ari nya, Komiti Khas Jamin Akses Bekal Vaksin (JKJAV) ba siti penerang di laman Facebook madahka sesiku orang ke udah nerima vaksin ba menua luar ulih minta setifikit digital betuchuk vaksin COVID-19 sida nengah Helspdesk Mysejahtera iya nya ‘Pilihan N’.
