KUCHING , 05 Oktober : Komiti Penyangga Penusah Ngenyit Nengeri (JPBN) Sarawak udah baum nguna chara ‘video conference’ begulai enggau Sapit Komisioner Polis Sarawak kena hari satu.
Aum tu diketuaika sapit Kepala Menteri ke mega chairman SDMC, iya nya Datuk Amar Douglas Uggah Embas berandauka sekeda pekara nyengkaum pengawa ngempang jalai alun enggau permit polis mindah meraka entara pelilih menua .
Ba aum nya komiti Penyangga Penusah Ngenyit Nengeri (JPBN) Sarawak Enggau Sapit Komisioner Polis Sarawak udah mutuska senentang permit polis enda dikena agi bagi mindah entara pelilih menua.
“Kemari SDMC udah baum, mutuska permit polis enda dikena agi, mindah ari sitak siti ngagai sitak siti. Reti iya nadai agi polis ngempang jalai”, ku iya lebuh dikerandau pemberita TVS.
Taja pia ku iya penerang tu deka dipansutka lemai tu lagi.
