KANOWIT, 3 Oct : Sekeda kandang endur di pelilih Kanowit dituntung penusah bah ketegal ujan bangat enggau ai ari Sungai Rajang ti niki
Ku Tuai Balai Bomba Enggau Penyelamat (BBP) Kanowit Arrahman Chik madah, sida udah matau gaya ai di Jalai Panto Mali enggau sekeda endur di mengeri nya kenyau ari malam kemari.
Arrahman madahka tikas ai enda surut kenyau ari urung pukul 6.25 pagi tadi.
Nangkanka nya, iya madahka gaya hari sehari tu manah tang tikas ai majak niki ti ngujungka sekeda endur napi penusah bah.
