KUCHING, 3 Oct : Stor farmasi ba sebuah klinik pengerai perintah di Jalai Masjid, Kuching angus 40 peratus ba penusah angus ti nyadi urung pukul 7.40 pagi tu tadi.
Nitihka penerang Raban Bomba Enggau Penyah Penusah (BOMBA) madah, barang ke angus 80 peratus iya nya ubat, jarum ubat, “rubbing alcohol” enggau perengka berubat ke bukai.
Raban bomba ari Padungan mujur ngerara api ba bilik stor nya ti pemesai 67 meter.
Operasyen madamka api nya tembu urung pukul 9.56 pagi.
Nadai bakal diripotka maya penusah tu nyadi.
Naka ke diatu, kebuah enggau anggar pengerugi benung ditasat.
Sama bisi dalam operasyen tu iya nya raban polis, raban SESCO enggau pegawai perubat ari klinik nya.
