BALEH, 3 Oct: Berindik ari gaya ujang bangat sekeda kandang endur di Baleh napi penusah bah.
Tu nyengkaum empat buah sekula enggau dua klinik pengerai di Ulu Baleh.
Perkara tu dipadahka pengajar ba sekula nya nengah aplikasyen Whatsapp Opis Menteri Pengajar (KPM) enggau komiti tasat ngenyit bagi menua Kapit kena hari Enam.
Entara sekula ti dituntung penusah bah iya nya Sekula Primari Temenggong Koh, Sk. Ng. Kain, Sk Ng. Sempili enggau Sekula Sekondari Baleh.
Ba awak ke sama, pegawai perubat ba endur nya mega ngeripotka bisi dua buah klinik pengerai napi penusah ke sama iya nya Klinik Pengerai Ng. Melinau, Mujong enggau Klinik Pengerai Ng. Antawau.
Naka ke diatu, peranak ba sitak menua nya irau ati laban ujan bedau ngetu ba ulu sungai lebih agi ba endur semak Sungai Baleh.
