SIBU, 3 Oct: Pesakit COVID-19 ti majak nambah di nengeri Sabah enggau Sarawak udah nambahka tating ke ditapi pengereja pengawa perubat di sepital ba baruh Opis Menteri Pengerai (KKM).
Lalu Raban Soldadu Malaysia (ATM) terus ransing bejalaika tanggung pengawa sida nyendiaka sepital medan a-t-m di sibu sepengudah numbuhka sepital nya di kapit.
Nitihka penerang ari Bridged Kesemilan Infantari Malaysia madah, tu berindik ari aum koordinasyen ATM enggau Opis Pelilih Sibu, Direktor Sepital Sibu sereta Direktor Opis Menteri Pengerai (KKM) bagi menua sibu dikena nagang sereta nyeliahka igi penyakit COVID-19.
“Sepital tu dijangka tembu kena 7 Oktober sereta ulih nyimpan 100 iti katil enggau pesakit ba siti timpuh,”
Batang tuju sepital medan tu ditumbuhka dikena ngelempungka tating pengereja pengawa perubat sepital sibu ti nguruska pesakit ukai dirampit igi penyakit COVID-19.
Entudika nya, sepital tu dijangka beoperasyen berengkah ari 15 hari bulan Sepuluh lalu dipejalaika raban perubat ari 1 Batalion.
