MIRI, 3 Oct: Bisi semilan taman rekreasyen enggau empat taman ke bukai benung diangkat manah di sitak Kunsil Nengeri (DUN) Senadin.
Kesemua tiga belas taman rekreasyen tu digaga di ba baruh Projek Transformasyen Menua Pesisir (RTP).
Tiga belas taman tu iya nya Taman Rekreasyen di RPR, Lorong 5, Permyjaya ti begunaka agih belanja sepenyampau RM 100,000, Taman Rekreasyen Di Lorong Dato Permaisuri 3, Desa Pujut, Permyjaya (RM100,000), Â Taman Rekreasyen Baru Di Sitak Riam (RM200,000), Taman Rekreasyen Di Kampung Lembah Hijau (RM50,000) enggau Taman Rekreasyen Di Lorong Perkasa 2a/2 Lot 10381, Desa Senadin (RM100,000).
Kelimpah ari nya, bisi digaga iya nya taman rekreasyen di  Taman Besar Desa Murni 1, Bandar Baru Permyjaya (RM100,000), Taman Rekreasyen Di Jalai Maigold, Promin Jaya 2, Senadin (RM50,000), Taman Rekreasyen Baru Di Lot 6572, Vista Perdana, PeRMyjaya (RM100,000), Taman Rekreasyen, Padang Futsal sereta Sepak Takraw Baru enggau Pagar Di Lot 3310 Tudan 10 Fasa 5 (RM100,000), Taman Rekreasyen Di Desa Indah 1, Bandar Baru PeRMyjaya (RM50,000) sereta Taman Rekreasyendi Lorong Kiambang 1, Tudan Fasa 3 (RM100,000).
Penyampau ungkus ke diguna ngaga projek tu iya nya RM1.15 juta.
Perkara tu dipadahka menteri perengka pengangkut sarawak ke mega Kaban Kunsil Nengeri (ADUN) Senadin Datuk Lee Kim Shin ti udah ngelawa taba projek taman rekreasyen baru di Vista Perdana kena hari Minggu.
Ku Lee madah agi, bisi empat buah taman rekreasyen udah tembu digaga ba renggat keterubah enggau agih belanja RTP 2020 nyengkaum nyeruri sistem parit enggau entali ai, meresi babas, ngaga trek belumba lari sereta bangku baru.
Entudika nya, taman rekreasyen ba fasa kedua ba baruh agih belanja rtp 2021 iya nya disikap enggau palan alai bemain nembiak mit sereta palan endur eksesais.
Projek tu mega digaga ba baruh Pelin Rekreasyen Enggau Gadung Miri 2018.
