KUALA LUMPUR, 30 Sept: Industri pengawa berumah dipelabaka rugi RM42 bilion sepemanjai timpuh Atur Nagang Pemindah (PKP) dipejalaika berengkah 18 Mac taun siti nyin tadi nyentuk ke diatu.
Ku Datuk Seri Fadillah Yusof madah, ari penyampau nya, RM 18 bilion dipelabaka pengerugi dalam timpuh PKP 3.0 ti berengkah kena 1 Jun 2021 nyentuk September 2021.
“Laluh RM24 bilion iya nya pengerugi ari PKP 1.0 ti dipejalaika 2020 ke udah ngeruga pejalai pengawa berumah ari bulan Mac nyentuk Julai 2020.
Iya bejaku munyi nya lebuh nyaut timbal Datuk Nazlan Idris ti minta perintah nerangka empas pandemik COVID-19 ngagai sektor pengwa berumah sereta pemar ke ditapi sektor nya lalu inisitif ti udah dipejalaika perintah.
Fadillah madahka, empas pandemik COVID-19 sereta PKP ti dipejalaika mega ngayanka sektor pengawa berumah tu ngerikodka penurun tikas pengerembai iya nya 19.4 peratus kena ke taun 2020, lalu ba tengan keterubah 2021 sektor pengawa berumah nurun ngagai tikas 10.4 peratus.
“Taja pia, anggar nya nambah ngagai 40.3 peratus ba suku kedua 2021,” ku iya madah.
Ku iya madah agi, entara pemar ke ditapi sektor pengawa berumah tu iya nya penambah ungkus perengka berumah, penambah ungkus gaji pekereja, kos Program Rekalibrasi Tenaga Kerja sereta ungkus nyendiaka perengkaguna nitihka atur ti dirintai dalam Standard Atur Pengawa (SOP) ti nating kunteriktor.
“Opis Menteri Kereja Raya meretika isu penambah ungkus perengka berumah sereta udah merambu deka numbuhka baru chara ngira klausa ubah rega (VOP) ngagai Opis Menteri Pekara Wang (MOF)
