PUTRAJAYA: Serikat ti bejalaika aktiviti dagang temuai ke belisin ba ba baruh Opis Menteri Dagang Temuai, Seni Enggau Main Asal (MOTAC) deka nerima bantu sepenyampau RM3,000 nengah Pakej Nyaga Rayat Enggau Mulaika Pemanah Ekonomi (PEMULIH).
Tu bantu kedua diberi ngagai ejensi dagang temuai ti berejister ke alai sebedau bantu sebedau tu iya nya nengah Program Strategik Negapka Rayat Enggau Ekonomi (PEMERKASA).
MOTAC madahka, serikat ti ba dalam sektor dagang temuai enggau dagang ejensi temuai ti udah nerima bantu RM3000 tu ba baruh inisiatif pemerkasa automatik bulih bantu pemulih tu lalu enda ibuh agi ngenataika peminta sida.
“Motac minta serikat ti bejalaika pengawa dagang temuai ke bisi lisin ba baruh opis menteri ti enda kala nerima bantu duit ba baruh inisiatif PEMERKASA, ngambi peluang tu ngenataika peminta ngagai kami,” ku dalam penerang nya.
Timpuh haribulan minta bantu tu ditutup kena 15 Oktober enggau sebarang peminta ti dikenataika pengudah hari ti ditetapka nya enda diambi kira.
Penerang ke silik, mensia mayuh tau ngelawa laman web rasmi MOTAC ba http://motac.gov.my/pemulihmotac2021 tauka betanya ngagai opis MOTAC ke besemak.
