SARAWAK, 27 Sept: Penyampau graduet di Institut Pelajar Tinggi (IPT) ngelui ari peminta guna ba batang pengawa.
Tu entara kebuah graduet di Malaysia nadai kereja sereta ditambah enggau penusah ti nuntung menua iya nya pengekai igi penyakit COVID-19.//
Sebedau tu, Prof Madya Dr Mohd Yusof Saari, Ketuai Ekonomi, Pusat Kajian Pasaran Buruh Masa Hadapan EIS-UPMCS, Pertubuhan Keselamatan Sosial (Perkeso) madahka, peluang gawa ti enda mayuh ngujungka siku ari tiga graduet udah gawa ba bidang ke enda setipak enggau pelajar sida.
Pengaji mega dipeda ngaji ukai graduet laban ulih mantu ngurangka ungkus pemansut sereta operasyen.
Ba Atur Pemansang Malaysia Lumpar ke-12 , perintah udah numbuhka dua pelin baru dikena mutarka isu ti ditapi graduet di serata Malaysia.
Entara iya, Pelan Strategik Kebolehpasaran Graduan 2021-2025 ditumbuhka dikena mutarka isu ke enda setipak enggau guna peluang gawa, nangkanka nya, Job Creation Strategic Plan 2021-2023 mega deka ditumbuhka dikena mantu menua nyendiaka pengereja pengawa ti ngembuan pelandik tinggi dikena nangkup guna industri.
Pengawa numbuhka dua pelin tu deka meri penguntung ngagai rayat Malaysia ari numbuhka peluang gawa baru seraya mantu raban graduet.
