KUCHING, Sept 26 : Sarawak kena hari Minggu ngerikodka siti kluster baru COVID-19 ti ngaul kluster komuniti.
Ku Komiti Mutarka Penusah Ngenyit Negeri (JPBNS) Sarawak madah, kluster tu iya nya Kluster Sungai Poh, Limbang ti ngaul peranak ba rumah panjai.
Kelimpah ari nya, Sarawak ngerikodka 2,943 kes baru COVID-19 ti ngujungka semua kes nambah ngagai 199,089.
Ari penyampau kes nya, 99.769 peratus kategori 1 enggau 2 lalu 0.31 peratus kategori tiga, empat enggau lima.
Kuching mengkang ngerikodka kes pemadu tinggi iya nya 810 kes, ditangkanka Sibu 377 kes enggau Miri 324 kes.
Pia mega, Sarawak ngerikodka sepuluh kes pemati ti ngaul sida ke bisi penyakit raya.
Lapan kluster udah diketuka iya nya Kluster Kampung Quop, Kuching, Kluster Kampung Git, Kuching, Kluster Jalai Kemena Industries Estate 38, Bintulu, Kluster Kampung Bintawa Hilir,Kuching, Kluster Kampung Haji Baki, Kuching, Kluster Kampung Bintawa Ulu, Kuching, Kluster Kampung Pulo Ulu, Kuching enggau Kluster Jalai Lembah Hijau, Miri.
Kluster ke agi aktif di sarawak iya nya 120 kluster.
