KUALA LUMPUR: 82.5 peratus tauka 19,311,563 iku rayat besai tuai di menua tu udah nerima dua dos vaksin COVID-19 naka hari Lima.
Ngambi berita ari Bernama, bepelasarka data ti dikunsika nengah portal COVIDNOW sehari tu, Opis Menteri Pengerai (KKM) madahka, bisi 93.6 peratus tauka 21,903,061iku rayat besai tuai udah nerima satu dos tuchuk vaksin.
Berebak ari nya, bisi 25,326 iku tauka 0.8 peratus dari nembiak ke beumur 12 nyentuk ke 17 taun udah nerima dua dos tuchuk vaksin naka kemari.
Ungkup kedua-dua raban nya, 273,373 dos tuchuk vaksin udah diberi kemari ti ngaul 116,881 dos satu enggau 156,492 dos kedua.
Tu nyadika penyampau dos ke udah diberi iya nya 41,847,256 nengah Program Betuchuk Vaksin COVID-19 Menua (PICK).
PICK dilancharka kena 24 Feb ke udah dikena meri vaksin ngagai rayat di menua tu ke ulih nagang sereta ngurangka pengekai COVID-19.
Nangkan ke nya, bisi 250 kes pemati ketegal COVID-19 dirikodka naka pukul 11.59 malam tadi (24 Sept).
Tu nyadika penyampau kumulatif kes pemati menua diatu manggai 24,931.
