LUNDU, Sept 21 : Bisi semilan iku Rayat Menua Luar Tama Nadai Pemendar (PATI) ditan laban nguji tama belalai nengah jalai chit semak Biawak, Lundu urung 300 meter ari garis entara menua Malaysia-Indonesia.
Markas Divisyen Pertama Infantri Malaysia (1DIV) madahka, perkara nya nyadi urung pukul 10.40 pagi nya lebuh tim pemeresa pengelikun di jalai chit bejalaika pengawa nyerebu pati nya.
Semilan iku PATI nya nyengkaum 8 iku lelaki enggau siku indu ke beumur 22 nyentuk ke 45 taun nadai ngembuan sebarang dokumen pengelala.
Kesemua pati nya udah diburu pulai lalu ripot polis digaga bagi bejalaika pengawa ke patut.
