KUCHING, Sept 21 : Raban Gerakan Am (PGA) Sarawak udah ngetan dua iku tekong darat enggau 11 iku Peranak Tama Nadai Pemendar (PATI) dalam dua pengawa nangkap ti udah dipejalaika dalam Op Benteng COVID-19 maya hari Satu.
Ku Komander Briged Sarawak PGA, SAC Saini Bongkek madah, pengawa nangkap keterubah diripotka urung pukul 6.55 pagi ti nyengkaum tiga iku PATI peranak Indonesia ke beumur 27 nyentuk ke 34 taun.
Ku iya nambah agi, tiga iku pati nya ditan seraban Polis Batalion 10 PGA Sibu ti benung bejalaika pengawa matau di Wong Pandak, Lubok Antu.
Asil peresa tetemuka ketiga-tiga lelaki nya nadai ngembuan sebarang dokumen pejalai ti sah dikena tama ngagai malaysia.
Nangkan ke nya, pengawa nangkap ti kedua diripotka maya urung pukul 6 lemai maya seraban Polis Batallion 11 PGA, Kuching mujur ngetanka sebuah van Toyota Hiace di Melikin, Serian.
Saini madahka, bisi lapan iku lelaki enggau siku indu peranak Indonesia ke beumur 17 nyentuk ke 52 taun ditemu dalam van nya.
Kesemua pati nya dibai ngagai Indu Opis Pelilih (IPD) Serian dikena bejalaika pengawa tasat.
Penyampau semua barang ke dirampas iya nya manggai RM 32,400.
Kes nya ditasat ba baruh Seksyen 15 Akta atipsom 2007, Seksyen 6 (1) Akta Imigresen 1959 enggau Akta Nagang Enggau Nyeliah Penyakit Berampit 1988.
