BETONG, Sept 21: Pengawa nyuaka perengka guna agu orang periman di pengkalan feri Batang Saribas, Beladin ari Mohammad Dahari, ti ngarika injinir begian, JKR Betong mujur diatur.
Perengka guna nya disua baru ngagai Khairuddin Annuar ke ngarika Opis Pelilih Betong (MDB) kena 14 hari bulan semilan tu tadi.
Pengawa nangkir agu orang periman tu diatur begulai sama enggau Opus Consultant SB enggau kunteriktor ZCCC nengah kereja rama korporat (CSR).
Pemisi agu orang periman tu ila deka meri pengelantang ngagai penguna ke begunaka agu tu bagi nganti feri batang Saribas entara (Beladin enggau Pusa), begian Betong.
Ke mega ngulu sama pengawa tu iya nya Darren Ng ari Opus Consultant SB enggau Tiew Yiing, kunteriktor Brooke Dockyard Wijaya Karya JV Sdn Bhd.
