Sarawak kena hari dua ngerikodka penyampau 12 kes pemati ti dirikodka kena 10 nyentuk ke 20 haribulan Semilan.
Nitihka penerang ari Komiti Mutarka Penusah Ngenyit Negeri (JPBNS), kesemua kes pemati ngembuan kelai penyakit raya.
Kena 10 haribulan Semilan bisi siti kes pemati, kena 14 hari bulan Semilan bisi dua kes pemati, siti kes pemati dirikodka kena 17 hari bulan Semilan, lima kes dirikodka kena 19 hari bulan Semilan enggau tiga kes dirikodka kena 20 hari bulan Semilan.
Kelimpah ari nya, kes baru COVID-19 ngerikodka penyampau 3,724 kes.
Ari penyampau nya bisi 1,836 kes ba Kategori Satu, 1,879 ke ba Kategori Dua , lalu bela tiga kes ba Kategori 3, 4 enggau 5.
Kuching mengkang ngerikodka kes pemadu tinggi iya nya 1,509 kes, ditangkanka Sibu 372 enggau Bintulu 249.
Ba pengerembai berita sentang kluster, bisi tiga kluster baru ditukuka iya nya Kluster Jalan P-Ramlee Kuching, Kluster Pusat Kemuyang Timur Sibu, enggau Kluster Batu 10 Jalan Oya, Sibu.
Siti kluster ke udah punas iya nya Kluster Kampung Senari, Kuching lalu tu nyadika penyampau kluster ke mengkang aktif iya nya bisi 140 kluster.
