SARAWAK, 20 Sept: Sepenyampau 576 iku chalun ti berejister napi peresa betulis Sijil Pelajaran Malaysia Ulangan (SPMU) 2021 di Sarawak deka dipejalaika seretai di serata menua berengkah 21 nyentuk 23 haribulan semilan tu.
Nitihka penerang ti dipansutka Opis Pelajar Nengeri Sarawak sehari tu, semua chalun deka napi peresa di 18 buah palan peresa iya nya 13 di Sekula Sekondari (SMK), Sekula Primari (3) Sekula Peribit (1), Sektor Pentaksiran Dan Peperiksaan, Opis Pelajar Pelilih (1).
Nangkanka nya, bisi 33 iku penyelia sereta 83 iku pengawas dichiri ngemataka proses peresa SPMU di nengeri tu.
“Semua chalun dipinta nitihka jadual peresa spmu dikena ngulihka penerang senentang peresa enggau atur ti patut dititihka maya peresa nya dipejalai,” ku Opis Pelajar Nengeri Sarawak.
Hari bulan peresa SPMU tau di”download” nengah portal Lembaga Peperiksaan di http://lp.moe.gov.my.
Chalun mega mesti mai dokumen pengelala diri ngagai palan peresa ngambika proses bejalaika peresa bejalai enggau lanchar.
Penerang ke silik, tau betanya ngagai Sektor Pentaksiran Dan Peperiksaan, Opis Pelajar Pelilih Nengeri Sarawak ba lumur 082-473533 tauka 082-473519 sereta ba Sektor Pentaksiran Dan Peperiksaan, Opis Pelajar Pelilih (PPD) ke bedampih.
Sektor Pentaksiran dan Peperiksaan, PPD Kuching tau betelefon ngagai 082-240568, Sektor Pentaksiran dan Peperiksaan, PPD Bau (082-763860), Sektor Pentaksiran dan Peperiksaan, PPD Padawan (082-240755), Sektor Pentaksiran dan Peperiksaan, PPD Samarahan (082-628177), Sektor Pentaksiran dan Peperiksaan, PPD Serian (082-874104), Sektor Pentaksiran dan Peperiksaan, PPD Sri Aman (082-321394), Sektor Pentaksiran dan Peperiksaan, PPD Betong (082-472595).
Sektor Pentaksiran dan Peperiksaan, PPD Sarikei (082-651761), Sektor Pentaksiran dan Peperiksaan, PPD Sibu (082-332443), Sektor Pentaksiran dan Peperiksaan, PPD Mukah (082-872252), Sektor Pentaksiran dan Peperiksaan, PPD Kapit (084-796362), Sektor Pentaksiran dan Peperiksaan, PPD Bintulu (082-330541), Sektor Pentaksiran dan Peperiksaan, PPD Miri (082-419085), Sektor Pentaksiran dan Peperiksaan, PPD Baram (082-755808), Sektor Pentaksiran dan Peperiksaan, PPD Limbang (082-211450) dan Sektor Pentaksiran dan Peperiksaan, PPD Lawas (082-285694).
