BINTULU, 18 Sept: Komiti Mutarka Penusah Ngenyit Bagi Menua (JPBB) Bintulu madahka, mensia mayuh ti tama ke Bintulu enda ibuh agi beperesa RT-PCR Covid-19 berengkah 18 September.
Residen Bagi Menua Bintulu, Jack Aman Luat madah madahka JPPB Bintulu nitihka gerah ti dikeluarka Komiti Mutarka Penusah Ngenyit Nengeri (JPBN) Sarawak kemari.
Jack ke mega Chairman JPBB Bintulu madah, nadai agi ngambi peresa Covid-19 sebedau tama ke Bintulu ngagai sida ti udah nembuka dua dos vaksin berindik ari Sarawak ti udah nyapai imuniti beraban.
“Taja pia, bagi sida ti bedau nerima vaksin, sida agi mesti mantaika pemutus peresa RT-PCR kelimpah permit polis meraka pelilih dikena nentuka sida nya nadai dirampit Covid-19,” ku iya dalam siti penerang nya.
Berebak enggau nya, JPBB Bintulu nyerahka pekara nya ngagai Polis Diraja Malaysia (PDRM) lebih gai ngagai sida ti bedau nerima vaksin dikena nentuka sida selamat ari dirampit Covid-19.
Naka ke diatu, semua atur enggau penetap bekaul enggau meraka pelilih nyengkaum penama ke Bintulu agi sebaka enggau pelilih bukai di nengeri Sarawak seraya dikena ngemudahka pemindah semua orang.
