KAPIT, Sept 18 : Empat buah klinik pengerai di Kapit udah dibuka nyadi palan nyidi COVID-19 (CAC).
Klinik tu ia nya Klinik Pengerai Kapit, Klinik Pengerai Song, Klinik Pengerai Sungai Asap enggau Klinik Pengerai Belaga.
Batang tuju palan nyidi covid-19 nya kena ngiga sapa ke deka bejalaika pengawa meresa COVID-19 tauka sida ke udah ditetapka positif tang bedau dikangau opis pengerai pelilih ulih ngelawa klinik ti semak ngambika nguna servis nya.
Kelimpah ari nya, sida ulih betelefon ngagai opis tauka klinik pengerai ti semak enti begunaka sebarang bantu.
Entudika nya, pesakit dilalau ngereja kuarantin kediri empu ba rumah lalu ngasika atur pengawa standard (sop) ti udah ditetap sereta tau betelefon ngagai cac ti semak enti sema begunaka jaku lalau senentang pekara nya.
Ba Klinik Pengerai Kapit, jam operasyen berengkah ari hari satu nyentuk ngagai hari lima ari jam 8 pagi nyentuk ngagai 5 lemai.
Lalu hari enam enggau hari minggu, jam operesyen ari jam 9 pagi nyentuk ngagai 3 lemai.
Peranak ba endur nya ulih betelefon ngagai lumur 017-8159052 tauka 010-2431486 entia deka nguna servis dia.
Nangkanka nya, Klinik Pengerai Song beoperasyen ninting hari iya nya ari jam 8 pagi neyntuk ngagai jam 5 lemai lalu lumur telefon sida ia nya 084-777634 tauka 011-65579190.
Operesyen ba Klinik Pengerai Sungai Asap dibuka ninting hari ari jam 8 pagi nyentuk ngagai jam 5 lemai lalu lumur telefon sida ia nya 017-8524905 lalu operesyen ba klinik pengerai belaga dipejalai kena hari satu, hari tiga enggau hari lima ari jam 3 lemai nygagai 5 lemai lalu lumur telefon sida 086-461323 tauka 086-461148.
