KUCHING, Sept 17 : Ba Zon Selatan nyengkaum peilih Kuching, Bau, Lundu, Samarahan, Asajaya, Simunjan, Serian enggau Tebedu udah dikemendarka makai di kedai tauka ‘dine in’ berengkah 20 September 2020.
Kelimpah ari nya, semua premis pemakai mesti nguna ventilasyen tauka sistem angin bepelasarka garis lalau ti udah ditetapka Menteri Kaunsil Kandang Menua Enggau Pengawa Berumah (MLGH).
Timpuh operasyen pengawa dagang ba Zon Selatan dibuka berengkah pukul 5 pagi nyentuk ke 10 malam.
Individu tauka seraban individu enda tau begelumu ba palan mensia mayuh sepengudah 12.00 malam.
Ba awak ke sama, pemutus peresa RT PCR tauka RTK antigen enda ibuh dibantaika maya meraka pelilih taja mesti bisi pemendar permit ari polis.
Pemutus tu deka berengkah dipejalaika kena 18 September 2021
Ba awak ke sama, Sarawak ngerikodka 3,480 kes positif covid-19 ti nyengkaum 3,472 ba kategori 1 enggau 2 sereta tiga kes pemati.
Semua kes pemati tu ngaul sida ke bisi penanggul pengerai baka penyakit darah tinggi, sakit buah pinggang enggau kemi manis.
Ku Komiti Mutarka Penusah Ngenyit Nengeri Sarawak (JPBNS) madah, semua kes pemati tu ditetapka positif COVID-19 entara 30 hari bulan Ogos nyentuk ke 15 hari bulan September 2021.
Kelimpah ari nya, Kuching ngerikodka kes pemadu tinggi iya nya 996 kes ditangkanka Serian 422 enggau Sibu 272 kes, Bintulu (231), Samarahan (172), Bau (147), Miri (138), Sri Aman (132), Kanowit (78), Betong enggau Pusa (76), Tebedu (71), Lubok Antu (69), Subis (53), Saratok (51), Tatau (47), Mukah (44) Sarikei (43), Kapit (42), Simunjan (41), Asajaya (39), Lundu (37), Belaga (35), Limbang (26), Selangau (22), Lawas (20), Julau (19), Pakan (16), Meradong (15), Sebauh (14), Bukit Mabong (12), Song enggau Beluru (9), Matu enggau Marudi (2) seretea Daro enggau Dalat (1).
Sarawak mega ngerikodka 1 kluster baru kena hari lima iya nya Kluster Sungai Pana, Beluru.
JPBNS udah ngenukuka tiga kluster punas iya nya Kluster Melikin, Serian, Kluster Jalai Airport Lama, Bintulu enggau Kluster Jalai Bubut Sojak, Bau.
