KUALA LUMPUR: Penama nembiak Institusyen Pelajar Tinggi (IPT) sechara fizikal ke kampus deka digaga sechara bererenggat berengkah 15 hari bulan sepuluh tu ila.
Pekara tu dipadahka Menteri Pelajar Tinggi Datuk Seri Dr Noraini Ahmad BA siti aum media di Facebook maya hari dua.
“Aku deka madahka Opis Menteri pelajar Tinggi udah mutuska penama sechara fizikal ke kampus nitihka renggat baka ke dikemendarka MKN. Proses tu deka berengkah dipejalaika kena 15 hari bulan sepuluh 2021. Penama pelajar ti udah bulih dua dos vaksin ke IPT ngaul semua kategori pelajar enggau semua fasa PPN.
Nengah proses penama ke IPT ti bepelasarka Standard Atur Pengawa (SOP) Sektor Pelajar tinggi serta bepanggai ba Operasayen IP, Noraini madahka semina nembiak enggau pekereja ke udah nerima dua dos tuchuk vaksin sereta udah ditetapka pengasi vaksin dikemendarka di kampus.
“Raban IPT ke udah divaksin deka nyadika komuniti rama ti selamat sereta nyadika kandang kampus Fasa Empat PPN,” ku iya nambah agi.
“Nya kebuah, patut ngasika SOP bagi ngatur pengawa tama enggau pansut ke kampus.
Bagi nembiak ke enda ulih divaksin ketegal penanggul pengerai, sida dipinta madahka diri ngagai IPT sida ngambika diperundingka agi.
