KUCHING, Sept 13 : Sarawak ngerikodka 3,522 kes positif baru COVID-19 enggau lima kes pemati maya hari Satu.
Tu nyadika penyampau semua kes positif COVID-19 di Sarawak nambah ngagai 160,320.
Semua kes pemati nya ngaul orang ke bisi penanggul pengerai baka penyakit darah tinggi enggau kemi manis.
Kuching ngerikodka kes pemadu tinggi iya nya 1,221 kes, ditangkanka Bintulu 382 kes, Sibu (232), Serian (231), Miri (178), Lundu (110), Mukah (106), Pusa (84), Betong (82), Saratok (79), Asajaya (74), Sarikei (69), Sri Aman (68), Pakan (59), Subis (56), Sebauh (54), Lubok Antu (53), Samarahan (37), Limbang (35), Belaga enggau Kanowit (32), Kapit Enggau Bau (31), Lawas (29), Tebedu (28), Beluru (20), Meradong enggau Selangau (19), Song (16), Dalat enggau Tatau (13), Bukit Mabong (12), Simunjan (8), Matu Enggau Tanjung Manis (3), Julau (2) Sereta Telang Usan (1).
Nangkanka nya, bisi 2,256 kes udah gerai enggau dikemendarka pansut ari sepital tauka PKRC ti nyadika penyampau semua ke udah gerai nambah ngagai 118,209 iku tauka 73.73 peratus.
JPBNS mega ngenukuka enam kluster baru ti ngaul kluster komuniti iya nya Kluster Sungai Kerubong, Sarikei, Kluster Sungai Sujan Mapok, Sebauh, Kluster Sungai Dabai, Pakan, Kluster Andi Liam, Beluru, Kluster Pulau Brunei, Limbang enggau Kluster Tinwar Keleku, Subis.
Entudika nya, bisi empat kluster udah punas iya nya Kluster Kampung Kendaie, Lundu, Kluster Pandan, Lundu, Kluster Sessang, Kabong enggau Kluster Central Park Batu Tiga, Kuching ketegal nadai kes positif diripotka dalam 28 hari ke udah.
Tu nyadika penyampau kluster aktif di Sarawak iya nya 137 iti.
