BETONG, 13 Sept: Dua blok kuarters pekereja di sebuah ladang sawit di Sungai Tisak angus pagi tadi.
Jurujaku Palan Gerakan Operasyen Bomba Sarawak madah, dua blok kuarters ti bisi 20 bilik nya angus 100 peratus ba penusah nya ti nyadi urung pukul 7 pagi.
Pengudah datai ba palan penusah, raban bomba ngena ai ari kolam ke besemak endur nya ti nguna pam angkut hos 1 madamka api.
Kelimpah ari nya, dua blok rumah pekereja ulih diselamatka ti semina angus 5 peratus.
Taja pia, semua ke diau ba kuarters nya mujur nyelamatka diri enggau diripotka selamat.
Nitihka penerang, penusah angus nyadi ba pun ari Blok D bilik No 3 enggau anggar pengerugi agi tasat.
