KUCHING, Sept 12 : Sarawak iya nya nengeri pemadu tinggi di dalam menua enggau keterubah ngeripotka kes positif COVID-19 enggau 5,291 kes kena hari Minggu.
Tu ngujungka penyampau kes kumulatif di dalam menua iya nya nambah ngagai 156,798 kes.
Tuai direktor pengerai Tan Sri Dr Noor Hisham Abdullah nengah laman Twitter enggau Facebook iya madahka, penambah kes baru nya di serata menua ngujungka penyampau semua kes COVID-19 diatu manggai 1,979,698.
Sarawak mengkang ngerikodka kes ninting ari pemadu tinggi, ditangkanka Selangor (2,347), Johor (2,110), Sabah (1,717), Kelantan (1,435), Penang (1,309), Kedah (1,256), enggau Perak (1,118).
Nangkanka nya, kes ba baruh angka 1,000 iya nya Terengganu mega ngerikodka penyampau 930 kes, ditangkanka Pahang (584), Kuala Lumpur (376), Melaka (340), enggau Negeri Sembilan (283).
Dr Noor Hisham mega madahka taka nguna katil unit sakit raya (icu) ba sepital COVID-19 di serata menua bisi 78 peratus kena hari minggu.
