KUALA LUMPUR, 12 Sept: Menteri Kanan Pelajar, Datuk Radzi Jidin madahka nembiak ba Palan Pematih Pengajar (IPG) di nengeri ba baruh Fasa 1 enggau 2 Pelin Mulaika Pemanah Menua (PPN) deka terus bejalaika sesi Belajar enggau Ngajar di Rumah (PdPR).
Taja pia, bagi nengeri ba baruh Fasa 3 enggau 4 penatai nembiak ke sekula dipejalai enggau chara hibrid sekalika betunga mua tauka PdPR.
“Nyadi, nembiak IPG ti udah nerima vaksin diberi peluang sekalika deka datai ke kampus tauka PdPR, tang sida ke bedau vaksin ungkup ke diatu bejalaika PdPR di rumah” ku iya.
Nangkanka nya, nembiak Kolej Matrikulasi di nengeri ba baruh Fasa 1 enggau 2 deka bejalaika sesi sekula PdPR ari 3 oktober nyentuk 16 Disember.
