KUCHING, SEPT 10 : Sarawak kena hari Lima ngerikodka 3,734 kes baru positif COVID-19 enggau lima kes pemati ke alai semua pesakit iya nya orang tuai umur ke bisi penyakit raya.
Kes di pelilih Kuching dipeda nurun iya nya 921 kes enti dibanding enggau kes sebedau tu, ti ngerikodka lebih 1,000 kes.
Tu nyadika penyampau semua kes positif covid-19 di Sarawak nambah ngagai 147,764.
Kuching mengkang ngerikodka kes pemadu tinggi iya nya 921 kes, ditangkanka Serian 359 Kes, Sibu (338), Bintulu (218) Samarahan (195) Simunjan (150), Miri (148), Mukah (146), Bau (130), Sri Aman (115), Asajaya (113), Saratok (108), Pakan (106), Betong (78), Kapit (65), Subis (58),Lubok Antu (57), Tebedu (56), Sarikei (50), Limbang (41), Meradong (39), Julau enggau Kanowit (34), Song (33), Selangau (28), Dalat (18), Belaga (17), Tanjung Manis enggau Matu (13), Tatau (11), Pusa (10), Daro (8), Lawas (7), Beluru (6), Sebauh (3), Lundu, Telang Usan Enggau Marudi (2), Kabong enggau Bukit Mabong (1).
Nangkanka nya, bisi 2,262 kes udah gerai enggau dikemendarka pansut ari sepital ti nyadika penyampau semua ke udah gerai nambah ngagai 110,392 iku tauka 74.71% peratus.
JPBNS mega ngenukuka siti kluster baru iya nya Kluster Suchong Balut, Julau.
Entudika nya, bisi tujuh kluster udah punas iya nya Kluster Dabai Baruh, Saratok, Kluster Jalai Sungai Maong, Kuching, Kluster Kampung Tupong, Kuching, Kluster Jalai Foochow, Kuching, Kluster Besi Dua, Kuching, Kluster Skim Penempatan Stapok 2, Kuching enggau Kluster Jalai Rubber Dua, Kuching.
Tu nyadika penyampau kluster aktif di sarawak iya nya 141 iti.
