KUCHING, 6 Sept: Perintah Sarawak chakah ngangkatmanah akses bungkur internet enggau juluk deka lebih 90 peratus kandang menua di nengeri tu bisi internet.
Kepala Menteri Sarawak, Datuk Patinggi Abang Johari Tun Openg madah, tu seriris enggau juluk deka bisi akses bungkur internet ti manah ti mengeri enggau menua pesisir manggai ba taun 2022.
“Juluk kitai iya nya ba taun 2022, abis nadai 90 peratus kandang menua udah bisi bungkur internet ke manah,” ku iya.
Iya mansutka jaku nya ba Pengerami Hari Inovasyen Enggau Integriti Tanah Enggau Survei Sarawak (Hitts) ba sebuah hotel, sehari tu tadi.
Abang Johari madah, internet beguna amat dikena ngulihka penerang lebih agi dalam nyendiaka servis ngagai mensia mayuh baka ngaduka data.
Nya kebuah perintah naka ulih nyendiaka tikas bungkur internet nengah Saluran.
Ba pengerami nya, Abang Johari mega ngelancharka Kompilasi Piktorial Sedekad Menggagahi Pengukuran Ncr Inisiatif Baharu (2010-2020).
Sama bisi datai, Sapit Kepala Menteri Datuk Amar Awang Tengah Ali Hassan enggau Sekretari Perintah Nengeri Datuk Amar Jaul Samion.
