ANNUAR: Enda semua pesakit Covid-19 kategori 1 enggau 2 dikemendar kuarantin di rumah
SIBU, 05 September: Menteri Koordinator Komiti Mutarka Penusah Ngenyit Bagi Menua (JPBB) Sibu, Dr Annuar Rapaee madahka enda semua pesakit Covid-19 kategori 1 enggau 2 dikemendarka kuarantin di rumah.
Kriteria pesakit kategori tu iya nya bisi simptom enggau simptom enda balat dikemendar kuarantin di rumah digaga terit.
“Sida ti kategori 1 enggau 2 mesti diperesa dulu sekalika sida patut kdiberi kuarantin di rumah.
“Kuarantin rumah enda dikemendar bagi kategori 3, 4 enggau 5,” ku iya dalam laman facebook rasmi iya, kena Hari Enam.
Nangkanka nya, Dr Annuar ke mega Menteri Muda Kandang Menua enggau Pengawa Berumah madah, JPBB Sibu udah besedia deka bejalaika program meri vaksin ngagai raban nembiak ke beumur 16 enggau 17 taun.
“Nyadi, kitai ngarap program meri vaksin ungkup raban nembiak tu ulih dipejalaika jampat,” ku iya.
Ku iya, JPBB Sibu diatu semina nganti pemendar ari perintah besai bejalaika program nya.
