KUCHING : Sarawak ngerikodka 2,723 kes baru sehari tu, lalu 100 peratus kes nya dalam Kategori 1 enggau 2.
Komiti Mutarka Penusah Ngenyit Nengeri (JPBN) Sarawak mega ngeripotka dua kes pemati ti ngaul siku lelaki ke beumur 100 taun ari Bau.
“Ari 2,723 kes baru COVID-19, Pelilih Kuching mengkang ngerikodka kes pemadu tinggi ia nya 1,231 kes, ditangkanka Sibu enggau 323, Bau 125, Betong 110, Mukah 104, Bintulu 100, Lundu 95, Pusa 82, Sri Aman 73, Serian 64, Simunjan 61, Kapit 52, Miri 44, Subis 41, Tatau 28, Selangau 27, Samarahan 25, Kanowit 20, Song 19, Asajaya 16, Lubok Antu 12 enggau Saratok 10,” ku JPBN.
Kelimpah ari nya, Pelilih Belaga enggau Meradong bela bisi semilan kes, Limbang enggau Tebedu bela bisi lapan, Pakan tujuh, Beluru enam, Marudi empat, Lawas enggau Sebauh bela tiga, lalu Dalat enggau Julau bela dua iti kes.
Tu nambah penyampau semua kes di Sarawak ngagai 127,151 kes.
Nangkanka nya, JPBN madahka bisi 2,322 kes udah gerai enggau dikemendarka pansut ari sepital naka Hari Lima.
Ba awak ti sama, bisi tiga kluster baru diripotka di Sarawak iya nya Kluster Jalan Tunku Abdul Rahman di Sibu, Kluster Pasaraya Batu Kawa di Kuching enggau Kluster Kampong Sikog mega di Kuching.
JPBN ngenukuka tiga kluster udah punas ia nya Kluster Jalan Tatau-Selangau di Tatau, Kluster Kampung Jawa di Kuching enggau Kluster Crown Mas di Kuching.
