SRI AMAN: Beserimbai enggau Pengerami Hari Kemerdekaan kena 31 ogos ka sekali tu, Komiti Orang Berikan Lemanak ngatur program Kembara Jalur Gemilang ngena bot ngili Sungai Batang Lupar, Sri Aman kena nerenak pengandal patriotisme.
Batang tuju pengawa tu kena mandangka pengandal sayauka menua sereta nyungkak pemereti ati rayat enggau ngenang pemerani bujang berani ke udah berambunka nyawa ngetanka menua.
LIma belas iti bot ngambi bagi dalam pengawa tu ti berengkah dipejalai urung pukul 3.40 lemai bepalan ba Tebing Waterfront Simanggang kena Hari Dua.
Tu entara penyelai dipejalaika raban orang berikan pelilih Sri Aman dikena ngerichahka pengerami ‘Hari Kemerdekaan’.
Pengawa tu mega udah bulih pemendar ari Komiti Mutarka Penusah Ngenyit Bagi Menua Sri Aman enggau ngemeranka Standard Atur Pengawa (SOP) ti terit.
Titihka TVS ba Telegram, Facebook,Twitter, Instagram, TikTok enggau YouTube.
