OPIS Pengerai Bagi Menua Kuching ba dalam siti penerang maya hari minggu madahka, operasyen Palan Meresa COVID-19 (CAC) ba Dewan Mensia Mayuh Padungan dipindah ke Stadium Perpaduan, Petra Jaya ba pun ari 28 Ogos.
Ku opis nya madah, palan nya deka dibuka ninting hari ba pun hari satu nyentuk ke hari lima ari pukul 9 pagi nyentuk ke pukul 5 lemai.
Ujung minggu palan nya dibuka ari pukul 8 pagi nyentuk ke pukul 1 ngalih hari.
Taja pan pia, servis peresa COVID-19 ti nyerangkung ngambi sampel, swab, QC enggau RO agi diteruska ba Dewan Mensia Mayuh Padungan baka sebedau tu.
“Servis peresa nya dibuka ari pukul 9 pagi nyentuk ke pukul 5 lemai, hari satu nyentuk ke hari lima, “ ku iya madah.
Entudi ke nya, ujung minggu enggau kemisi hari besai palan nya dibuka ari pukul 9 pagi nyentuk ke pukul 12 ngalih hari.
Titihka TVS ba Telegram, Facebook, Twitter, Instagram, TikTok enggau YouTube.
