TOKYO: Rayat Malaysia lebih agi rayat Sarawak nerima berita manah sehari tu.
Atlit Para Menua, Bonnie Bunyau Gustin sehari tu mujur bulih midul emas ti keterubah ba hari keempat Lumba Paralimpik.
Atlit ke asal ari Serian, Sarawak nya mega ngemegahka menua sepengudah mujur mechah rikod Paralimpik ke kala dipegai Rasool Mohsin ari Iraq ba Rio taun 2016 iya nya 227 kg, angkat pemerat 228 kg lebuh nguji kali ketiga ba hari keterubah lumba nya.
Taja pan pia, Bonnie enda mujur mechah rikod dunya iya empu 230 kg ke kala dijapai iya maya Pekit Angkat Berat Dunya Fazza Dubai ke-11 ba Emiriah Arab Bersatu (UAE) bulan enam ke udah sepengudah enda mujur ngangkat berat 231 kg lebuh nguji kali keempat.
Berebak ari nya, atlit ari Egypt Mahmoud Attia bulih midul pirak lalu atlit Great Britan, Micky Yule bulih midul engkeraju.
Titihka TVS ba Telegram, Facebook, Twitter, Instagram, TikTok enggau YouTube.
