BINTULU: Raban Polis Marin (PPM) Wilayah Lima mujur ngemuntanka pengawa nguji mai belalai 20,000 liter minyak diesel ba dalam dua operasyen meresa ba endur ke bebida maya hari tiga minggu tu tadi.
Ku Komander PPM Wilayah Lima, ACP Zulfikar Mohd Ghazali madah, pemujur ti keterubah diripotka PPM Bintulu ba Jalai Bintulu-Bakun.
Iya madahka, ba dalam Operasyen Op Kontraban nya, raban PPM ngetanka sebuah lori tangki sebedau diperesa sida.
“Asil ari pengawa meresa nya tetemuka lori nya ngundan tauka mai 16,000 liter diesel enggau deriba lori nya nadai ngembuan dokumen pemendar sereta lisin ari Opis Menteri Pengawa Dagang Dalam Menua enggau Pekara Bebelika Barang (KPDNHEP).
“Pengawa nangkap enggau barang ke dirampas nya dipejalaika sereta diserahka ngagai KPDNHEP pampang Bintulu ngambika bejalaika tasat,” ku iya madah ba dalam siti penerang maya hari Lima.
Berebak ari nya, PPM LImbang mujur ngerampas 4,000 liter minyak diesel ba sebuah jeti feri.
Minyak diesel nya dirampas lalu diserahka ngagai KPDNHEP pampang Limbang.
Berindik ari nya, anggar penyampau semua barang ke dirampas iya nya manggai RM163,000.
Kedua-dua kes nya ditasat ba baruh Akta Kawalan Bekalan 1961.
TVS bisi ba Telegram, Facebook, Twitter, Instagram, TikTok enggau YouTube.
