KOMITI Komunikasyen enggau Multimedia (MCMC) benung bejalaika tasat ti ngaul mensia mayuh senentang mansik baru Rintai Akses berengkah sehari tu.
Rintai Akses iya nya instrumen ti diberatka dikena nentuka semua penyendia perengkaguna bungkur enggau penyendia servis aplikasyen bulih akses ngagai perengkaguna sereta servis ke udah bisi bepelasarka penetap sereta atur ke patut.
MCMC ba dalam siti penerang maya hari lima madahka, pengawa tasat ti ngaul mensia mayuh nya mantaika penemu MCMC senentang perengkaguna enggau servis ti deka dipasukka, dikeluarka tauka dikinsil ubah ba dalam Rintai Akses sereta dipejalaika ba baruh seksyen 55 (1), 56 enggau 146 Akta Komunikasyen enggau Multimedia 1998.
“MCMC ngangauka mensia mayuh ngambi bagi ba dalam pengawa nya baka nganjung penemu ke ditulis bekaul sekeda isu, penemu keterubah sereta rasional, ti nyerangkung analisis ba dalam keretas tasat mensia mayuh.
Tetiap iku pesereta diperansang nyukung pekara ti dibantaika enggau justifikasyen, kelimpah ari nyendiaka tauka bemalinka eviden tauka penerang ke bekaul, enti sema bisi sangkut paut,’ ku penerang nya madah.
Penemu ke betulis nya mesti diserahka ngagai MCMC enggau pom elektronik sebedau ngalih hari kena 18 Okt 2021 nuju Chairman, Malaysian Communications and Multimedia Commission (MCMC), MCMC HQ Tower 1, Jalai Impact, Cyber 6, 63000 Cyberjaya, Selangor Darul Ehsan, tauka betelefon ke lumur telefon 603 8688 8000; Faks 603 8688 1000; tauka e-mail accesslist@mcmc.gov.my ngambika diperatika Janakky Raju/Karen Woo
Keretas tasat mensia mayuh ulih dimalin mensia mayuh ba laman web MCMCÂ http://www.mcmc.gov.my.Â
TVS bisi ba Telegram, Facebook, Twitter, Instagram, TikTok enggau YouTube.
