KUCHING, 13 Ogos;Pemansang menua pesisir terus dikemerat seriris enggau juluk perintah deka ngangkatka agi tikas pengidup rayat lebih agi ba sitak Simanggang.
Kaban Kunsil Nengeri (ADUN) Simanggang, Francis Harden Hollis enggau ejensi ke bekaul bejalai matau projek pemansang seraya mutarka sekeda isu ke ditapi rayat.
Pengawa matau tu dipejalai mungkur empat kandang endur ba sitak Simanggang.
Harden ke mega Menteri Muda Pengelantang Komuniti, ba keterubah matau jalai tama ngagai taba rumah panjai baru, Rumah Lina Bayai C ti bisi 17 pintu bilik.
‘Box Culvert’ diperambu deka digaga di Rumah Panjai Bayai C dikena nyeliahka sebarang penusah ba simpang jalai endur nya ti ulih ngeruga pengelikun peranak.
Ba awak ke sama, iya matau pemansang pengawa ngerataka taba endur peranak genturung pendiau di simpang Batu Lintang bejualka asil kampung.
Kelimpah ari nya, matau jalai tama ke Kampung San Tabut pengudah nerima ripot sentang pekara nya.
Ba kepenudi, ngagai Rumah Sabong Bayai Baru ti bisi 34 pintu.
Naka ke diatu projek ngerataka taba Rumah Panjai Sabong udah ba renggat kepenudi deka tembu digaga.
.
