SEPENYAMPAU 23,608,290 dos vaksin COVID-19 udah diberi nengah Program Betuchuk Vaksin COVID-19 Menua (PICK) naka kemari.
Ku Menteri Pengerai, Datuk Seri Dr Adham Baba madah ba dalam infografik ti dikunsika iya ba Twitter madahka, ari penyampau nya bisi 15,350,180 iku orang udah nerima tuchuk dos keterubah, seraya 8,258,110 iku udah nerima dos ti kedua.
“Bepelasarka peratus, 47 peratus ari penyampau rayat di menua tu udah nerima dos ti keterubah, dientudika 25.3 peratus udah nerima dus dos tuchuk vaksin COVID-19 sida,” ku iya madah.
Nangkan ke nya, Dr Adham madahka, program betuchuk vaksin ninting hari menua ngerikodka 447,035 dos udah diberi naka kemari.
“187,756 dos ti keterubah udah diberi enggau 259,279 dos kedua udah diberi,” ku iya madah agi.
PICK dilancharka kenyau ari 24 hari bulan dua taun tu tadi ti nagit deka meri tuchuk vaksin ngagai tetiap iku rayat awakka mantu nagang sereta nyeliahka pengekai igi penyakit COVID-19 di serata menua tu.
