Bisi siku pekereja perintah ti gawa ba opis perintah di pelilih Bau rugi RM160,000 ketegal ditipu kes Macau Scam.
Ku Tuai Opis Tasat Penyalah Komersil (ccid) Sarawak Superinten Maria Rasid madah, polis nerima ripot ari tudah senentang kes nya kena 24 hari bulan tujuh 2021.
Ku iya madah, lebuh 4 hari bulan tujuh 2021 tudah bisi nerima telefon ari lumur 03-26129600 ari siku indu ke enda dikelala ti madah diri iya gawa ba Opis Lembaga Asil Dalam Menua (LHDN) lalu madahka tudah bisi chukai ke bedau dibayar ba serikat pengawa bedaja sepenyampau rm38,000.
Taja pia, tudah madahka diri enda nemu senentang perkara nya lalu iya diasuh ngaga ripot polis ba Indu Opis Pelilih (IPD) Kontinjen Pahang ngagai dua iku saspek ti nyaru nyadi polis.
Ku Maria nambah agi, tudah bisi rikod enggau aktiviti salah guna duit enggau kes dadah.
Tudah lalu diasuh ngisi penerang diri baka lumur akaun, lumur kad atm, lumur pin, nama pengguna bank online enggau password ba aplikasyen MYBNM.
Pengudah nya, diasuh mayar duit sepenyampau RM 228,000 ngagai kort.
Ketegal nadai duit iya lalu minjau ari institusyen perkara wang.
Lebuh institusyen pekara wang nerang iya ngeluarka duit beungkus rm160,000 ari akuan iya empu, nya baru iya nemu diri udah ditipu.
Maria mega ngelalau mensia mayuh enti sema nerima kangau ti enda dikelala tauka sebarang ulah ke enda betul tau ngelawa ba laman portal rasmi Polis Diraja Malaysia (PDRM), CCID enggau laman Facebook CCID tauka betelefon CCID Sarawak nengah lumur 013-2111222.
