KUCHING: Projek ‘Waterfront Simanggang’ benung bejalai enggau manah lalu ditaga tembu ba bulan Ogos tu.
Kaban Kunsil Nengeri (ADUN) Simanggang, Datuk Francis Harden Hollis, madah belanja ngaga projek nya manggai RM12 juta.
Projek nya digaga dalam tiga bagi, ia nya jelatung tauka ‘wharf’ (endur Pesta Benak), endur orang bejalai kaki, enggau palan main asal.
“Bagi keterubah ia nya ‘wharf’ dilanggur tembu Julai tu,” ku Harden.
Kelimpah ari nya, endur bejalai kaki ti udah 90 peratus digaga disadang tembu mega ba ujung bulan Julai tu, lalu palan mail asal udah 74 peratus digaga.
Palan tu dikearapka nyadi kelai baru mengeri Sri Aman sepengudah ia tembu ila.
Harden mega ngadang pasal penanggul ti ditapi kontraktor lebuh bejalaika projek nya lalu ngarapka penanggul nya ulih diputar ngambika enda ngachau pemujur projek.
Semua orang ke bisi kaul enggau projek nya dipinta nanggung pengawa diri ti patut, kelebih agi sida ari ejensi ti matau pemujur projek.
