Penyampau 14 ,347 ,285 dos vaksin udah diberi naka Hari Minggu nengah Program Betuchuk Vaksin Covid-19 Menua (PICK).
Komiti Khas Nyamin Akses Bekal Vaksin Covid-19 (JKJAV) madahka, penyampau 344, 961 dos udah diberi kemari, 244, 761 ngaul dos keterubah, lalu 100, 200 dos kedua.
Bepelasarka ripot ninting hari, naka ke diatu, di Selangor, Kuala Lumpur enggau Putrajaya, penyampau 3, 866, 419 juta dos keterubah udah diberi.
Ditangkan ke Sarawak (1, 563, 346), Johor (647, 506), Perak (571, 833) Enggau Pulau Pinang (505, 640).
Bagi dos kedua, nengeri di Lembah Klang ngerikodka penyampau 1, 226, 698, ditangkan ke enggau Sarawak (894, 373), Johor (376, 373) enggau Sabah (362, 659).
Di Labuan, pengawa meri vaksin udah nyapai 86.8 peratus dos keterubah , lalu 62 peratus udah nerima dua dos vaksin naka malam tadi.
Sarawak 76.5 peratus dos keterubah enggau 43.8 peratus udah nerima dos kedua seraya di Lembah Klang, 62.7 peratus dos keterubah enggau 19.9 peratus dos kedua.
Kelimpah ari nya, Negeri sembilan mega mandangka penyampau 53.4 peratus populasyen orang tuai udah nerima dos keterubah, enggau 20 peratus nembuka dos kedua.