KUCHING, 18 Julai: Naka bulan tujuh taun tu, bisi 140 peminta bagi bantu inisiatif pemati (BIK) udah dikemendarka ti beungkus RM420,000.00.
Menteri Muda Pengelantang Komuniti, Datuk Francis Harden Hollis madah, semina siti peminta enda dikemendarka ketegal pemegai kad KGC siku ke pinchin gawa perintah ti bisi bantu ari JPA.
Program nyerahka KGC udah diatur ba dua kandang endur iya nya di Komplek Penyayang Sri Aman, Simanggang Enggau Ba PPDK Batang Ai, Lubok Antu.
Harden Ke Mega Kaban Council Nengeri (ADUN) Simanggang madah, bisi enam iku penerima KGC, enam penerima bik enggau lima iku penerima bulih pemaik nya bagi sida ti bisi penyakit tungkul sengayuh.
“Kelimpah bisi diskaun aari kaban strategik, aris pemegai kad KGC mega bulih pemaik ari Bantuan Ihsan Kematian (BIK) sepenyampau RM3,000.00 dikena pengawa ngintu pemati” ku iya.
Ba awak ke sama, bisi dua iku nerima bantu penusah angus, keterubah kana anak julak nerima bantu RM7,700.00 enggau Domanac Anak Tuya nerima RM300.00 di Sri Aman.
Ke rikod, 3113 iku penerima bantu ninting bulan enggau ungkus belanja RM1,429,500.00 sitak sri aman naka bulan tujuh taun tu.
Di pelilih Sri Aman ngerikodka 12,148 iku udah rejista KGC, 10,855 KGC udah dikeluarka lalu 10,716 udah diserah lalu ke bukai 139 kad bedau diagih ngagai penerima.
