BINTULU, 17 Julai – Komiti Mutarka Penusah Ngenyit Bagi Menua (JPBB) Bintulu udah nenduka penetap penama ke Bintulu.
Penetap nya nyengkaum ngemendarka sesiku orang ke deka tama ke Bintulu mesti udah nerima dua dos vaksin dalam timpuh dua minggu tauka lebih ari timpuh nya.
Chairman JPBB Bintulu Jack Aman Luat madahka, sesiku orang ke udah nerima dua dos vaksin COVID-19 sepengudah dua minggu tauka lebih ari timpuh nya enda ibuh bejalaika peresa chulit.
“Ungkup sesiku orang ke bedau nerima dua dos vaksin COVID-19 tauka bedau chukup manggai timpuh dua minggu ba hari bulan nerima dos ti kedua sida mesti bejalaika peresa COVID-19 RT-PCR iya nya tiga hari sebedau tama ke Bintulu,” ku iya madah lebuh dirandau pengarang berita TVS nengah telefon maya hari enam.
Jack ke mega Residen Bintulu madahka, JPBB Bintulu enda agi neritka mandatori peresa chulit ungkup sida ke mindah nengahtauka mansa Bintulu tauka sida ke pansut ari Bintulu ke endur bukai.
“Taja pan pia mensia mayuh dilalau enda beambi ulih tauka enda nitihka atur nya ke udah ditenduka nya tebal agi mindah meraka pelilih sepeneka ati nguna penetap udah nerima dua dos vaksin laban kitai agi ba baruh atur nagang pemindah mulaika pemanah menua,” ku iya madah agi.
