KUCHING, 16 Julai: Projek Transformasyen Menua Pesisir (RTP) chakah dipejalaika di sitak DUN Simanggang ti ulih meri empas positif ba pemansang ekonomi rayat kandang endur nya.
Menteri Muda Pengelantang Komuniti, Datuk Francis Harden Hollis sebedau tu bisi baum enggau injinir begian JKR Sri Aman, Ir Christopher George enggau Injinir Awam JKR Sri Aman, Michelle Kristie Felix berandauka sentang status projek RTP taun 2020 ke udah tembu, benung enggau deka dipejalaika.
Ku iya, projek RTP tu mungkur pengawa ngaga jalai baru, jematan sereta bekal elekterik.
”Sekeda projek agi dalam proses. kunteriktor enda ulih neruska projek ketegal PKP, tang projek bejalai lanchar. Bisi siti tauka dua projek diatu ba renggat kepenudi enggau kitai setuju minta JKR ti nyadi ejen pemansang ti ngelangkar projek bejalai lanchar.” ku iya.
Iya ke mega Kaban Council Nengeri (ADUN) Simanggang meri puji enggau terima kasih ngagai Opis Kereja Raya, Opis Parit enggau Tali Ai sereta MDSA laban udah bejalaika pengawa ejen pemansang ti ngelangkar atur kereja ti engkeman ke pengelantang rayat.
