PROGRAM Betuchuk Vaksin COVID-19 Menua PICK) sekali agi ngerikodka penyampau vaksin ke diberi ninting hari tinggi iya nya 375,842 dos vaksin di serata menua naka hari tiga.
Penambah kapasiti nya mandangka taka vaksin ke diberi tetiap hari mujur ngerikodka tiga ratus ribu dos ba tiga hari bejurut.
Rikod nya ba pun hari satu ke udah iya nya 313,761dos enggau 340,043 dos naka hari tiga.
Penambah kapasiti ninting hari tu mega ngemujurka mMalaysia ngerikodka kira-kira 1.03 juta dos vaksin diberi semina dalam timpuh tiga hari.
Ku Menteri Pengerai Datuk Seri Dr Adham Baba madah, Malaysia naka ke diatu ngerikodka lebih 10 juta dos vaksin udah diberi kenyau pick dilanchar maya 24 hari bulan 2 taun tu tadi.
“Penyampau semua vaksin COVID-19 ke udah diberi naka hari tiga iya nya 10,036,361 dos. 375,842 dos udah diberi naka kemari iya nya penyampau pemadu niki naka ke diatu.” ku iya madah ba dala siti penerang maya hari empat.
Iya madahka, lebih 13 peratus ari semak 23.4 juta iku rayat besai tuai di menua tu udah nerima dua dos vaksin, seraya semak 30 peratus udah nerima dos keterubah naka kemari.
