SIBU, JUN 26: Bisi 50 peratus ari peranak di menua tu enda nemu tikas peninggi darah sida tinggi, lalu bisi 90 ke udah nemu sereta benung berubat.
Koordinator Komiti Mutarka Penusah Ngenyit Bagi Menua (JPBB) Sibu, Dr Annuar Rapaee madahka, taja pia ari penyampau nya, semina 45 peratus aja ti benung berubat .
“Di Malaysia, bisi 6.4 juta iku orang bisi tinggi darah. Lelaki ti berumur baruh ari 30 taun ngerikodka penyampau penyakit tinggi darah ke lebih tinggi enti dibandingka enggau indu.” ku iya madah nengah siti penerang ba laman Facebook iya.
Nangkanka nya, Dr Annuar ke mega Menteri Muda Pengerai Mensia Mayuh Enggau Pengawa Berumah bisi ngelawa sebagi ari sida ke datai betuchuk vaksin ti bisi penyakit tinggi darah ba Palan Meri Vaksin (PPV) di Dewan Lembaga Amanah Kebajikan Islam Sibu (LAKIS).
Ku iya madah, sida ke ditemu bisi tinggi darah bedau diberi tuchuk vaksin covid-19 lalu mayuh ari sida ke tinggi darah nya agi biak.
