KUCHING, 23 JUN: Ketegal penanggul peranak ti tusah deka datai betuchuk vaksin di ppv meransang Klinik Pengerai (KK) Delok ngambi singkang bejalaika Program Outreach betuchuk vaksin ngagai menua ulu ke jauh.//
Taja pia, tu nadai meri penanggul ngagai sida dalam mantu proses betuchuk vaksin bejalai enggau lanchar.//
Bekenaka perau panjang nengah ai sungai deras, bebatak perau sereta mansa apat pengelama 40 minit entara pemar ke ditapi raban pekereja pengerai delok bejalaika program vaksinasi outreach ba menua ulu.//
Nitihka Penulung Pemesai Perubat, Alvisn Luger ru dikena mantu peranak ti napi penanggul logistik enggau sida ti enda ulih bejalai kelimpah nentuka pengelikun vaksin.
“Nyadi kami ngepun proses betuchuk vaksin ba menua ulu ngambika sida ulih diberi vaksin penuh ngagai sida ke beumur 18 taun ke atas ngena vaksin sinovac lalu nerima sambut ke manah ari semua peranak rumah panjai di Sumpa.
“Aku meri terima kasih ngagai peranak di rh nanga sumpa ti udah setuju enggau nyukung proses tuchuk vaksin tu” ku iya.
Naka ke diatu, tiga buah rumah panjai udah nerima tuchuk vaksin dos keterubah 100 peratus iya nya Rumah George Tapang Pungga, Rumah Nyindang Nanga Delok Dan Rumah Andah Nanga Sumpa.
Bisi enam buah rumah panjai ba baruh pegai program tuchuk vaksin Covid-19 KK Delok iya nya Rh Ribon Menyang Sedi, Rh George Tapang Pungga, Rumah Nyindang Nanga Delok, Rh Janggong Pala Taong, Rh Andah Nanga Sumpa Enggau Rh Ninting Nanga Jambu.
“Ba menua ulu proses meri vaksin dipejalai ngena dua chara iya nya ‘walk in’ enggau program outreach betuchuk vaksin” ku iya.
Proses tuchuk vaksin ba menua ulu Delok dijangka tembu 100 peratus kena Hari Empat ungkup dos keterubah.
