KOTA SAMARAHAN: Siku lelaki beumur 30 taun dipelabaka udah diempa baya ba Sungai Samarahan semak Kampung Naie urung pukul 11.30 pagi Hari Tiga.
Allistar Rabanie, apai iya enggau aya iya nurun nyala ba endur kira-kira satu kilometer ari kampung nya.
“Maya nyala, jala apai iya tekait lalu iya minta tulung anak iya narit jala nya, tang jala anak iya empu mega tekait lalu ia nyelam tang udah nya enda ayan agi. Apai iya nemu anak iya nya udah ditagup baya beberapa meter ari endur sida nyala,” ku Tuai Opis Bomba enggau Penyelamat Kota Samarahan, Ebby Hirwandy Sarbini.
Rabanie, apai lelaki ti ditagup baya nya, nguji nulung anak iya tang lelaki nya terus lenyau lalu enda ulih disidi.
Nitihka penerang ti diberi opis bomba, Allistar nanchang tali jala ba lengan iya.
Naka pukul 3.00 lemai Hari Tiga, raban bomba agi bejalaika operasi ngiga lelaki nya enggau tulung mensia mayuh ke diau ba genturung pendiau dia.
Taja pia, sida bedau tetemuka sebarang bekau lelaki ke ditagup baya nya.
Peda meh berita tu dalam Berita Iban TVS pukul 7. 00 malam tu legi ba Saluran 122 Astro enggau MyTV.
